Smá mont :D

100% hehehe

Fyrsti dagurinn í nýju átaki liðinn og hann var fullkomlega 100% …………….. á bara eftir 1/2 líter af vatni eftir  

Stressið búið :D

Já þá er fermingu lokið og allt gekk þetta svo vel að við vorum eiginlega farin að búast við að eitthvað svakalegt myndi ske þegar á fermingu stæði. Allur undirbúiningur var búin kl 7 á föstudagskvöld (fyrir utan eitthvað smotterí eins og salöt og sósur sem við rimpuðum af á laugardags morgninum).

Drengurin fermdist og það fyrst sem hann upplifið eftir að vera komin í fullorðinnamannatölu var að fá púrtvín niður eftir fermingartreglinum (tók mynd af því bara til þess að vera leiðinleg hehehe )

Veislan gekk bara alveg frábærlega, allt gekk eins og í lygasögu og voru bæði teknar fermingamyndir af Bryjnari og stúdenst myndir af mér …………… og þær eru bara geggjað flottar. Frændi okkar tók þær og hann er nú bara snillingur með kameruna svo voru líka loksins teknar fjölskyldumyndir af okkur sem hefur nú bara aldrei verið gert, eða að minnst kosti aldrei almennlegar, en það er nú afstaðið og mikið held ég að hann Guðjón sé fegin (hann hrópaði ekki beint húrra þegar mamma sagði honum að það yrði tekin almennileg fjölskyldumynd af okkur )

Svo varð nú barnið aldeilis töluvert ríkara eftir daginn, hann fékk: 

        Utanlandsferð í fótboltaskóla frá mömmu og pabba, ömmu og afa á Selfossi
        Fjallahjól frá systkinum Guðjóns og fjölskyldum þeirra
        Úr frá  ömmu í Kópavogi
        GSM síma frá okkur systrumnum
        146.500 kr. frá hinum ýmsu aðilum og talan átti eftir að hækka eitthvað frétti ég       
        Kílómetra mæli á hjólið (er ekki viss frá hverjum það var)
        Skyrtu og fótboltabindi
        2 armbönd og
        1 hálsmen
        Bakpoka
 Svo var það nú alveg öruglega eitthvað fleira en ég man bara ekki meir, kannski mamma skelli inn restinni þegar hún bloggar næst

En snúum okkur nú að alvarlegri málum, mataræði hefur verið ekki neitt og ég hef bara set upp í mig það sem mér hefur hentað núna síðustu 2 vikurnar eða svo, en núna er nóg komið og núna skal ég bara hætta þessu rugli og fara haga mér eins og manneskju aftur. Ég er ekki byrjuð að borða í dag (ligg heima veik) og ætla núna bráðum að fara að standa á fætur og gera mér eitthvað almennilegt að borða

Ég held nú samt að þrátt fyrir alla óregluna að ég hafi nú ekki þyngst mikið kannski nokkur hundruð grömm en það eru nú ekki 24 kg 

Jæja hef ekki meira að segja í bili

Ciao  

Fermingarstúss

Bjarta reynir að standa undir væntingum:

Ég er að verða brjáluð á nettengingunni minni, bíð og bíð og ekkert gerist, þannig að það er ekki mjög hvetjandi til að reyna blogga, í gær slitnaði í miðjum tíðum og fl. þess háttar.

En ég get ekki hrósað mér af mataræði síðustu daga, en er  þó ekki kolfallin og ég ætla að vera nokkuð afslöppuð fram yfir fermingu.  Já, fermingin er alveg að bresta á og það lítur bara allt vel út.   Örverpið er ofboðslega spennt, því málið er að hún fær að fara í NÝJA KJÓLINN, á fermingardaginn, hún telur niður en sonsi……… hvernig bregst hann við, jú er ofurkúl og finnst þetta aðallega standa í vegi fyrir fótboltaiðkun sinni!!!!!!!!!! Nei, hann er nú voða glaður yfir þessu öllu, en alveg salírólegur, eins og hans er von og vísa.  En það er svo brjálað að gera í fótboltanum að ég veit ekki hvernig þetta endar eiginlega Á mánudaginn er hann að fara á knattspyrnunámskeið KSÍ, en þangað kemst bara besti strákurinn úr hverju félagsliði, fæddur 1992.  Þetta er fimm daga námskeið og þarna verða landsliðsþjálfara og fleira og fleira!!!!!  En auðvitað er þetta frábært og mikið upplifelsi

Annars er það helst að frétta að við settum kýrnar út í gærkvöldi, í fyrsta skiptið þetta sumarið (og vonandi ekki eina skiptið) og svo í dag var ekki hægt að setja þær út fyrir rigningu

Við heyrumst svo bara eftir fermingu og þá ætla ég að koma mér í alvöru gír í heilsuræktinni.      ÞIÐ HEYRIÐ ÞAÐ UPP Á MIG!!!!!!!!!!!!!!!   

Gleðilega 17. júní til ykkar allra, Bjarta 

Dagur hinnar miklu rigningar

Bjarta niðurrignd játar syndir dagsins:

Já, rigningin var ótrúleg og át dagsins líka, engin óhollusta en alltof mikið borðað Ég hefði getað haft þetta enn verra, t.d. langaði mig mikið í vélarís og nammi, en ég lét staðar numið við pylsu og langloku og svo grillaði ég í kvöld og þá borðaði ég alltof mikið. Ég vigtaði allt skilmerkilega og borðaði það með bestu lyst, en hvað gerðist, þegar ég fór að ganga frá tók átfíkillinn yfir og ég steytti úr hnefa kjöt og kartöflusalat En það þýðir ekki að fást um það, nýr dagur á morgun

Annars fórum við mæðgur, ég, ljósið og örverpið, á Hvanneyri í dag og það var mjög gaman, margt að sjá og skoða og kaupa á bændamarkaðnum. En það var alveg mögnuð rigning í dag, en hlýtt og logn, þannig að þetta var ekkert ógurlegt

Ég ætla að bjóða upp á skemmtilega nýjung í fermingunni, ég verð með geitaost og sennilega sauðaost líka!!!! Geitaosturinn er í fetaosti, meiriháttar góður og sauðaosturinn er í camenbert, vantar svona viku í þroska en lofar virkilega góðu

Góða nótt, kæru blogglesendur, þið megið alveg kommenta ef einhverjir koma þá hingað inn enn :0)

Viðbót

Bjarta bætir við:

Mig langaði svo í göngutúr og svo í heita pottinn á Lýsuhóli í kvöld að það var ekki eðlilegt Hér er svo mikil þoka að ekki er hægt að fara í göngu á veginum, myndi bara vera slysagildra og svo reyndi ég að fá vinkonu mína með á Lýsuhól, en þá var hún stödd á Suðurlandi, er þetta ekki dæmigert, svona er þetta alltaf ef ég fæ einhverja hugmynd

Dagur 3

Bjarta í þoku:

Já, hér er búin að vera svarta þoka í allan dag og hellings rigning, en logn og blíða að öðru leyti.

En að áti dagsins, átið var bara fínt, nánast 100%, smá íssletta sem rataði inn fyrir mínar varir, en ekkert alvarlegt En karlinn minn skellti sér í gírinn líka, þannig að nú þarf ég að hugsa tvöfalt Vigtun morgunsins var eiginlega bara ótrúleg 81,9kg, og það var aftur kíló niður, ég hlýt að hafa verið bara uppfull af bjúg, og einhverjum viðbjóði, því þetta er nú ekki normal vigtartap, en vissulega bara gaman að sjá vigtina fara svona hratt niður

Ég skellti í dönsku eplamúffurnar seinni partinn og þær eru alltaf jafn góðar, namm, namm.

Ég er núna aðallega í því að reyna að skipuleggja ferminguna á laugardaginn kemur, það gengur svona upp og ofan en allt hefst þetta nú ábyggilega samt. Á morgun ætla ég að skella mér í Borgarfjörðinn, á bændamarkað Búnaðarsamtakanna, (það verða samt engir bændur í boði)maður verður víst að sinna starfinu Er ákveðin í því að kaupa mér nokkur sumarblóm og eitthvað fleira gott!!!

Sonsi og pabbinn fóru í golf í þokunni og vinnukonan fór með þeim, en þeir týndu henni!!!!!! Það voru ungir herramenn staddir á staðnum og rændu henni á ball!!!!! En það er nú bara gott, fínt að hún komist aðeins út á lífið, stúlkugreyið

Annars allt í þessu fína og við heyrumst annað kvöld, Bjarta

Dagur 2

Bjarta bloggar:

Jæja, þá er dagur 2 að kvöldi kominn og þetta var ágætisdagur, ekki 100% en það sem vantar upp á er hálfur mjólkurskammtur (hefði ég átt hann í ísformi, hefði ég örugglega getað pínt hann ofan í mig) og svo fengum við okkur hamborgara í kvöld og þá rötuðu nokkrar franskar inn fyrir mínar varir En þetta er nú ekkert svo ógurlegt, ég stefni bara ótrauð á góðan dag á morgun. Vigtin var nú líka góð við mig í morgun, 82,9kg, Já ég veit, heilt kíló á sólarhring er nú frekar mikið!!!! En ég vissi svo sem að talan í gær væri ekki rétt, þá var ég jú full af ógeði, og í gær var góður hreinsunardagur Annars var þetta fínn dagur, yndislegt veður, sól og hiti. Svartur minn skrapp í Reykjavík að kaupa föt fyrir fermingu sonarins, og hann kom heim með þessi fínu jakkaföt og blllleeeeiiiiikkkkttttt bindi Ljósið mitt fékk líka föt við pils sem hún ætlar að vera í og þá sýnist mér allir séu bara að verða rosa fínir og ég hlakka bara til að fá kannski eins og eina fjölskyldumynd af okkur. Þessi fjölskylda er ekki mikið fyrir myndatökur!!!!!!!!

Ég fór út í göngutúr í gærkveldi og aftur í kvöld og það er sko í frásögur færandi þegar ég er farin að ganga tvo daga í röð, en er á meðan er

Annars bara vona ég að dagurinn á morgun verði góður bæði hjá þér og mér, Bjarta

Hallllllllóóóó

Bjarta er á lífi:

Ég er að baslast við að koma mér í gang aftur Ástandið núna í morgun var 83,9kg, ojbarasta

En dagurinn í dag hefur verið 100% ddv-dagur

Ég kolféll semsagt nú í vor, það byrjaði svona að halla undan fæti í apríl og svo kom maí með öllu sínu álagi og ég kolféll, meira að segja datt í nammi!!!!!!!! Ég náði s.s. tæpum 11 mánuðum nammilausum. Sonsi á að fermast núna 17. júní og ég er búin að kaupa mér kjól og síðan sá ég fram á það að ég væri að sprengja utan af mér kjólinn!!!!!!!!!! Og mér hefur liðið mjög illa síðustu daga af ofáti og ógeði á sjálfri mér og því var það að þegar ég vaknaði í morgun og sá töluna á vigtinni, þá bara fann ég einhvers staðar orku til að taka í hnakkadrambið á mér og mér líður mun betur núna í kvöld en mörg önnur kvöld undanfarið. Guð láti gott á vita Að vísu var ég komin með hausverk seinni partinn en það er væntanlega bara sykurinn að hreinsast út og mun þar af leiðandi skána fljótlega.

Ég er að hugsa um að skella mér út í smá göngutúr og fara svo að sofa og ná öðrum fullkomnum degi á morgun.

Sjáumst annað kvöld, Bjarta

Fór betur en á horfðist

Gunnsý léttist:

Jamm, það fóru 400gr. í dag þrátt fyrir allt …………………. fæ þetta ábyggilega í hausinn í næstu viku

En hvað um það það var í mínus þess vikuna svo ég er ánægð

Nótt Nótt!!!!!!!!!!!!!!!! 

Úúfffff!!!!

Gunnsý svindlar:

Mér líður eins og ég hafi étið á mig öll 24.5 kílóin í dag Ég var að vinna á kaffihúsinu á Sólheimum í dag og það var það lítið að gera að maður hafði helling af tíma til þess að fá sér einn og einn smá bita í allan dag og mér liður eiginlega bara ekkert vel yfir þessu

En það kemur dagur eftir þennan og á morgun er vigtun og ég vona að hún verði ekkert svakalega vond við mig

En er farin að sofa núna

Góða nótt